A película gañadora do premio do Xurado Novo na edición #1 do festival Novos Cinemas (http://www.novoscinemas.com/ ) estréase con Screenly, nunha serie de pases especiais baixo demanda. SHORT STAY, primeira longametraxe do director norteamericano Ted Fendt, conta a historia de Mike, un rapaz de vintepoucos que busca a vida en Philadelphia, sen moita sorte e tamén sen moita ansia, a verdade. Unha proposta fresca en clave de comedia, rodada en 16mm nas rúas desta cidade e con actores non profesionais, que cautivou a cinefilia máis nova e tamén o fará con todos vós neste evento especial presentado por Ángel Santos, director do festival Novos Cinemas. Precisamos 41 persoas que reserven a entrada antes do 9 de marzo. Fai a túa reserva canto antes e axúdanos a conseguilo.